من غير مقدمات أببدأ قصتي
السالفه بدت قبل 3 سنوات
وهي أن مريضة كانت جاية تراجع عندنا بالمستشفى بقسم العيادات النفسية وكانت ما غير تصيح ولدي ولدي
ولدي أنخطف ولدي أنسرق آآآآآآآآآآآهـ آآآآآآآآآآهـ من وينلي الحين بولد .من اللي بيرعان لا كبرت آآآهـ آآآآآهـ
وكانت داخلة بصدمة نفسية
ويوم سألنا عن الموضوع لقينا أنه متزوجه وزوجه توفي وهذا ولده الوحيد وكانت رايحة تاخذ عمره وحصل اللي حصل
المهم قعدنا نهديه ونقوله:
أذكري الله واصبري وأدعيه
الزوج بداله زوج
والولد الله يرده لس سالم غانم ويرزقس ب10 غيره بس أنت أدعي الله وما يصير إلا الخير
والدكتور الاستشاري كان يحاول أنه يخرجه من هول الصدمه وأعطاه بعض الحقن (الإبر المهدية) إلين هدت ودخلوه لقسم التنويم
وبدو يعالجونه بجلسات نفسيةلفترات
وبعد كذا رجعت لرشده ورضت بقضاء الله وقدره ودارت الأيام
وبعد تقريبا سنتين دخلت أنا على مريض بقسم الأطفال كانو مسوين له عملية زايده
وتوقعوا من كان هذا الطفل
(بعضكم قال المخطووووف والجواب لا أصلا أنا ما شفته عشان أعرفه)
هذا الطفل كان ولد تلك المرأة الثاني أي أنه أصغر من المخطوف
(طيب أنت وشلوووون عرفت)
أيوه قلتولي وشلون عرفت
يوم دخلت أبسويله فحص كامل بعد العملية للتأكد من نجاحها
قالتلي المرافقه (اللي تصير أم الطفل)شفت هالولد
قلت:إيه وش فيه
قالت:هذا بفضل الله ثمن دعواتكم
أنا: وشلووووون
هي:أنا قد جيت عندكم بجناح النفسية قبل سنتين تقريبا يوم كان ولدي مخطوووف
أنا:ما شاء الله وشلون لقيتي الولد
هي:لا ما لقيته بس الله رزقن بزوج ثاني وجبت منه هالولد والله يجمعن بأخوه اللي أكبر منه
أنا :آميييين
خلال هالوقت مر الاستشاري
هاه يا دكتور كيف الولد
أنا:والله توي ما فحصته هالحين 5 دقايق بس
الاستشاري:نعم ,أجل وش قاعد تسوي من اليوم
أنا أكلم الأم وأقوله:يالله بعد إذنس يا خاله أبفحص الولد شكل الدكتور معصب شوي
المهم يوم كشفت بطنه وجيت أكشف على ظهره أسمع الجهاز التنفسي
وأشوف ذاك الجرح اللي على شكل خط طويل من كتفه اليمين لكتفه اليسار
وقلتله سلامات من وش ذا الجرح
قالت هذا قصته قصه
قلت:أجل خليه بعدين لأني مستعجل
هي:أخوه قد انجرح مره نفس الجرح
ويوم فقدته ورزقن الله بهالولد جرحته أنا بالعمد عشان أتذكره
أنا وفي قمة المفاجأة نعم وشو؟
تدرون ليش تفاجأت
(بعضكم يقول عشان أحد يجرح ولده هالجرح)
الجواب :لا
تفاجأت لأني قبل حوالي أسبوعين من الحادثه جانا واحد للطوارئ بكسر بيده وكان عنده نفس الجرح بالتمام
قلت: لأمه كم عمر أخوه اللي أكبر منه تقريبا
قالت 8: سنوات ليه؟
قلت: لا بس سؤال (وهذاك اللي شفنا بالطوارئ حول العمر)
المهم يوم خلصت رحت طيراااان للطوارئ ودورت ملفات اللي جو للطوارئ خلال ذاك اليوم
ولقيت الملف ومعلومات أهله (أهله الجديدين)
ودقيت عليهم قلت لازم تجيبون الولد للمستشفى الآن ضروري
قالو :خير عسى ماشر
قلت:شاكين بمرض خطير ولازم يجي الحين
المهم جابووه على طول
أخذت الولد قلت عن إذنكم أبسويله تحاليل أنتظرو بالاستراحه (الولد عمره 8 سنوات)
ورحت سويتله تحليل DNA
وبعدين أخذته لجناح الأطفال اللي به أمه الحقيقيه
ويوم دخلت أنا والولد
صرخت بصوت عالي
وبدون ما أتكلم وبدون مايتكلم الولد قالت
محممممممممممممممد ولديييييييييييييي
هذا ولدي وتصارخ
والولد خاف
وأخوه منهبل
وأنا بديت أدمع وقلت لأمه حنا ما بعد تأكدنا أنه ولدس لذلك لازم ناخذ منس تحاليل بعد
وأخذنا التحاليل وطلع الولد ولده
ومسكت الشرطه أبويه المزيفين
واكتشفو أنهم شارينه من عصابه لخطف الأطفال
وانتهت السالفه
واستفدنا أنه بالدعاء كل شي يمكن يتحقق
فلا تنسونن بالدعاء